...ރަށު ކައުންސިލްގެ ރައީސްކަން ލިބިއްޖެ ނަމަ

     މަޤާމަކީ އެމީހެއްގެ ދަރަޖަ އަންގައިދޭ އެއްޗެކެވެ. އެކި މީހުންގެ ދަރަޖަ ބަޔާން ކުރާ އެކިއެކި މަޤާމްތައް ހުރެއެވެ. އެއިން ކޮންމެ މީހަކުވެސް އެ މަޤާމެއްގައި ކުރަންޖެހޭ ކަންތައްތައް ކުރެއެވެ. ހަމަ މި ބީދައިން އަޅުގަނޑަށްވެސް މިފަދަ މަޤާމެއް ލިބިއްޖެ ކަމުގައި ވާނަމަ ކުރަންޖެހޭ ކަންތައްތައް ކުރުމުގައި ދެމި ހުންނާނަމެވެ. އެގޮތުން އަޅުގަނޑަށް ރަށު ކައުންސިލްގެ ރައީސްކަން ލިބިއްޖެނަމަ، ކޮންމެ މަހަކު ދަރުސް ދިނުމަށް ޝައިޚުން ގެނައުމާއި ރަށުގެ ތަރައްޤީއަށް މަސައްކަތްކުރާ ކޮމެޓީތައް ރޭވުމާއި ސްކޫލަށް ބޭނުންވާނޭ ތަކެއްޗާއި ޚިދުމަތްތައް ހޯދައި ދިނުމަށް މަސައްކަތް ކުރުމާއި ކޮންމެ ރަމަޟާންމަހަކު މިސްކިތައް ޒީނަތްތެރިކުރުމަށް ބޭނުންވާނޭ ތަކެތި ހޯދައި ދިނުމުގެ އިތުރުން ރަށުގެ މަސްވެރިންނަށް ލިބިދޭބްޖެހޭ އިނާޔަތްތައް ހޯދައި ދިނުމަށް މަސައްކަތް ކުރާނަމެވެ.   

     ރަށުގެ ރައްޔިތުން އިސްލާމްދީނަށް ލޯބިޖެއްސުމަށްޓަކައި ކޮންމެ މަހަކު ދަރުސް ދިނުމަށް ޝައިޚަކު ގެންނާނަމެވެ. ރަށުގެ ކުދިބޮޑު އެންމެހާ ރައްޔިތުންނަށް އިސްލާމްދީނާ ބެހޭ މަޢުލޫމަތު ދިނުމަށް ޝައިޚުން

ރައިވަރުގެ ޝަރަޙަ

މިވެނިނުއެގޮތެއް ގޭ     ( މިވެނި ގޮތެއް ނުއެގޭ )

ލިވެއަރުން ފީވިއަސްބޭ   ( ބޭރުން އަލިވެ ފީވިޔަސް )

ދިވެހި ވަޑިމިއަކަށް އުޅޭ  ( މިއުޅޭ ދިވެހި ވަޑިއަކަށް )

ރިވެތިކޮށް ނުކޮށޭނެޔޭ   ( ރިވެތިކޮށް ނުކޮށޭނެޔޭ )

އިވެދިޔަދިކަރަކީ ލިކުންވަ ( އިދިކީލިވެދިޔަ ވަކަރަކުން )   - ކަންޒުލް އަދަބު -

ކިވެދާދާލި ގޮތަކުންވަ   ( ދާލި ވަކިވެދާ ގޮތަކުން )    - ރައިވަރު ނަންބަރ 7 –

ކަމުގެ ހަޤީޤަތް ނޭނގޭ އާދައިގެ ވަޑިއަކަށް އެމީހެއްގެ ބޭރުފުށުން މަސައްކަތުގެ ކަންތައްތައް ދެއްކިޔަސް ކީލި  ނެގިފައިވާ ވަކަރަކުން ދާލިވަކިވެދާ ހިނދު އެ ރިވެތިކޮށެއް ނުކޮށޭނެއެވެ. ތިމާ ކުރާ ކޮންމެ ކަމެއްގައި

އަނބު ފަނި

މިއީ ރޯދަމަހެވެ. އާސްތު އުޅުނީ ބަދިގޭގައި ރޯދަ ވީއްލަން ކާއެއްޗެހި ރޯފިލުވާށެވެ. ކޮންމެ ދުވަހަކު ކައްކަން ޖެހެނީ އެކަނިމާ އެކައްޔެވެ. އެހެންކަމުން އުޅެންޖެހޭލެއް ވަރަށް ބުރައެވެ. ކޮންމެ ދުވަހަކުވެސް ކައްކާ ނިމެނީ ބަންގި ގޮވަން ވަރަށް ކައިރިވެފައި ވަނިކޮށެވެ. މިއަދު ރޯދަ ވީއްލަން ތައްޔާރު ކުރަން ހުރީ ތަރުކާރީ ބަތާއި ބަރަބޯ ރިހައާއި ގުޅައާއި ކަވާބާއި އަނބު ފަންޏެވެ. ފުރަތަމަ ތައްޔާރު ކުރީ ތަރުކަރީ ބަތެވެ. ބައްތެލި އުދުން މައްޗަށް އުދާފައި ތަރުކަރީތައް ކޮށާ ނިންމާފައި މަޑުކުރަން އުދާފިއެވެ. ދެން ތަރުކާރީތައް މަޑުކޮށް ނިމުމުން ކެކިފައި ހުރި ބައްތެލި އެއްކޮށްލައިފިއެވެ. ދެން ގުޅަޔަށް މަސްގަނޑު މޮޑެފައި މުގުރާފައި ހުރި ހަނޑޫތައް މޮޑެފައި ގުޅަތައް ހަދާފިއެވެ. ދެން ކަވާބަށް މަސްގަނޑު މޮޑުފައި ކަވާބުތައް ހަދާފައި ކަވާބާއި ގުޅަތައް ތެލުލައި ނިންމާލާފިއެވެ. ދެން ބަރަބޯ ރިހަކެއްކުމަށްޓަކައި ބަރަބޯތައް ކޮށާލާފައި ބެހެއްޓީ ތައްޓަކަށް އަޅަފައެވެ. އަނބުފަނި ގިރުމަށްޓަކައި އަނބުވެސް، ކޮށާފައި ބެހެއްޓީ ތައްޓަކަށް އަޅާފައެވެ. ދެން ބަރަބޯ ރިހަ ކެއްކުމަށްޓަކައި ދެވިހުނި މިކްސަރުން މުގުރާފައި ތެއްޔަށް އަޅާ ބަރަބޯ ރިހަ ކައްކާފިއެވެ. އޭގެ ފަހުން އަނބު ފަނިވެސް ގިރާފިއެވެ.  ރޯދައަށް ހުރެގެން އާސްތުއަށް މިވަރަށް ކެއްކުމީ ދަތި އުދަނގޫ ކަމަކަށް ނުވިނަމަވެސް، އެހާ ފަސޭޙަ ކަމަކަށް ނުވެއެވެ. ރޯދަ ވީއްލަން ގަޑިޖެހެން ވާއިރަށް މޭޒު މައްޗަށް ކާންހަދާފިއެވެ. ފަނިޖަގަށް ގަނޑު ފެން އަޅަށް ބަލައިލިއިރު ފަނިޖަގުގައި  އޮރެންޖު ކުލަ ގަދަކަމުން އާސްތު ޙައިރާން ވެއްޖެއެވެ. އެކަމަކު އެކަމާ އަޅައި ނުލާ ފަނިޖަގަށް ފެން އަޅާ ގިރާފިއެވެ. ބަންގި ގޮވުމުން ފިރިމީހާ ހަސަނު އައިސްފިއެވެ. އެންމެ ފުރަތަމަވެސް ބޯލީ އަނބުފަނި ތައްޓެވެ. ކޯވަރެއްބޯލުމަށްފަހު ބުރުވާލިއެވެ. ކޯއްޗެއް މިހުރީ ގިރާފަ؟ ފީ ލަކުނޑި ފަނިތަ؟؟ އާސްތު ކަން ބޮޑުވިއެވެ. ތިއީ އަނބު ފަނި... ކަމުނުދަނީތަ؟! މިއީ އަނބު ފަންޏެއްނޫން މިއީ ބަރަބޯ!!!! އަނބު ފަންޏަށް ބަރަބޯ ފަނި ގިރާ، ބަރަބޯ ރިހައަށް އަނބު ރިހަ ކެއްކުނީއެވެ.

އިޚްލާޞްތެރި މުދައްރިސެއް

އަލްފާޟިލް އަޙްމަދު ރަޝީދު ނުވަތަ އާންމު ނަމުން ނަމަ ދޮންބެ އަކީ، ހއ.ހޯރަފުށީ އަލަނާސިގޭ މުޙައްމަދު ޔޫސުފާއި ހއ.އިހަވަންދޫ ނެދުންގޭ ޖަމީލާ އާދަމްގެ 7 ކުދިންގެ ތެރެއިން 4 ވަނަ ދަރިފުޅެވެ. ދޮންބެ އުފަންވެފައި ވަނީ، 1974 ފެބްރުއަރީ 5 ގައެވެ. އަލިބެ އާދަނު އާއިލާ އަށް ނިސްބަތްވާ ދޮންބެ މިހާރު އުޅެމުން ދަނީ ހއ.އިހަވަންދޫ އާހިޔާ ގައެވެ.                                         

އުޅުމަގައި މަޖާ ގޮތެއް ހުންނަ ދޮންބެ އަކީ ކިޔެވުމަށް ވަރަށް ޝަޢުޤުވެރިކަން ހުންނަ މީހެކެވެ. އެގޮތުން ސުކޫލު ދައުރުގައިވެސް ދޮންބެ ވަނީ ކުލާހުންނާއި ޤުރުޢާން މުބާރަތް ތަކުން އެކިއެކި ވަނަތައް ޚާޞިލް ކޮށްފައެވެ. ގުރޭޑް 1 – 6 އިހަވަންދޫ މަދަރުސާގައި ދޮންބެ ތަޢުލީމު ޙާޞިލް ކޮށްފައިވާއިރު، ގުރޭޑް 7 – 10 ތަޢުލީމު ޙާޞިލް ކޮށްފައިވަނީ މާލޭގެ ސުކޫލެއް ކަމަގައިވާ މަދަރުސަތުލް އަޙްމަދިއްޔާގައެވެ. ޖީސީއޯލެވެލްއިން 2 މާއްދާ

ދިވެހިބަސް ކިޔަވަން ޝަޢުޤުވެރިވާނީ ދިވެހިބަސް ކިޔަވާދޭން ގެންގުޅޭ ވައްޓަފާޅި ބަދަލުކޮށްގެންނެވެ

ދިވެހިރާއްޖޭގެ ކޮންމެ ސުކޫލެއްގައި ދިވެހިބަސް މާއްދާއެއްގެ ގޮތުގައި ކިޔަވާދޭއިރު، ދަރިވަރުންގެ ނަތީޖާ ދުވަހެއް ދުވަހަކަށް އަންނަނީ ދައްވަމުންނެވެ. ސަބަބަކަށް މެދުވެރިވަނީ، މުދައްރިސުން ކިޔަވާދިނުމުގައި ދަރިވަރުންގެ ޝަޢުޤުވެރިކަން ނެތުމާއެކު، ކިޔަވާދޭ ވައްޓަފާޅި ދަރިވަރުންނާ ނުގުޅުމެވެ. އެހެންކަމުން އެކަން ރަނގަޅު ކުރުމަށްޓަކައި ކިޔަވައިދިނުމުގައި ދަރިވަރުންގެ ބައިވެރިވުން އިތުރުކޮށް، ކުލާހުގައި އިތުރު ހަރަކާތްތައް ކުރިޔަށް ގެންގޮސް، ޕްރޮޖެކްޓް ވޯކުތައް ޙަވާލުކުރުމުގެ އިތުރުން ފިލާވަޅުތައް ނަގާދޭއިރު އެފިލާވަޅުތަކާ ގުޅޭ ތަންތަނަށް ދަރިވަރުން ގެންގޮސް ފިލާވަޅުތައް ކުރިޔަށް ގެންދެވިދާނެއެވެ.                                    

މުދައްރިސުން ދިވެހިބަސް ކިޔަވަދިނުމުގައި ދަރިވަރުން ބައިވެރިކޮށްގެން ފިލާވަޅުތައް ކުރިޔަށް ގެންދިޔުމުގެ ސަބަބުން އެކުދިންގެ ޝަޢުޤުވުރިކަން އިތުރުވެދެއެވެ. އެގޮތުން ޙަވާލުކުރެވޭ ގުރޫޕް މަސައްކަތްތައް ކުލާހަށް ހަށަހަޅާ ދިނުމަށް ދަރިވަރުންނަށް ފުރުޞަތު ދިނުމާއެކު ފިލާވަޅު ނަގާދީ ނިމުމަށްފަހު، ފިލާވަޅާ ބެހޭގޮތުން އެކުދިންނަށް ދަސްވި މިންވަރު ބެލުމަށްޓަކައި އެކުދިންނާ ސުވާލުކުރެވިދާނެއެވެ. ހަމައެހެންމެ އެކުދިންނާ ސުވާލުކުރުމުގައި އެކުރާ ސުވާލެއްގެ ޖަވާބު ބެލުމަށްޓަކައި އެހެންކުއްޖަކު ބައިވެރި ކުރެވިދާނެއެވެ. ވީމާ، ކިޔަވައިދިނުމުގައި ދަރިވަރުން ބައިވެރިވާ ބައިވެރިވުން އިތުރުކޮށް އެކުދިންނަށް ކުލާހުގައި އިތުރު ޙަރަކާތްތައް ކުރިޔަށް ގެންދެވިދާނެއެވެ.                  

ރީތިޅެން 9 : ޝަރަޙަކުރުން :

ބިރެއް ހުރިނަމަ މިޔާ މެދުގައި ކުރާނީ ކާކުހޭ އިންކާރު

ޔޫޞުފް މުޙައްމަދުފުޅު

ދުލުން ބުނެލާ ބަހުން ހިތުގައި އުފެދިގެން ރޯވަމުންދާ ފާރު             

އަލުން އެއަކަށް ފަސޭހަވުމެއްނެތޭ މޮޅު ބޭހަކުން ކަނޑި ފާރު  

ރިހުން ހުގައި ހުރޭ ނުފިލާ ދެވޭ ދޮގު އެންމެ ހެކިބަހަކުން              

ފަހުން ގަލަމާ ދުލުން ކުރިޔަސް އެތައް ތެދު ހުވަޔަކުން އިޤުރާރު

ލަދުން ކިޔަމަންވެ ބޯލެބުމެއްނެތޭ އަތުވާކަށެއް އަނބުރާ              

ތެދެއް، ކަންހުރިގޮތެއް ނެބަލާ ކުރާނަމަ އެކި އަޑުން އިންޒާރު

ގުނޭނޭ ގޮތެއް ނެތޭ ދުނިޔޭ ލަފާ މީހުންގެ ގިންތީގައި              

ބުނާބުނުމާ ޢަމަލުސީދާ ބުނުއްތައް ވެއްޖެނަމަ ތަކުރާރު    

ވެވޭ އަޤުދަށް "މިވިޔަފާރިން" މޮޅާ ދެރަތަކެތި އޮޅުވާލާ            

ދެވޭ ޤަދަރެއްނެތޭ ދުވަހަކު ކިތަންމެ ތިމާ ވިޔަސް ހުޝިޔާރު

ހއ. އިހަފަރު ފަޅުގެ މަސައްކަތް، ރައްޔިތުން ނިކުމެ އެކަން ހުއްޓުވުމާ ގުޅިގެން އެކަން ހިނގާ ދިޔަގޮތް ބަޔާންކުރާ ރިޕޯޓު

ތަޢާރަފް:                                                               

އާބާދީގައި 3500 މީހުން އުޅޭ ހއ. އިހަފަރު ފަޅަކީ 2004 ވަނަ އަހަރުގެ ޑިސެންބަރ 26 ވަނަ ދުވަހު ދިވެހިރާއްޖެއަށް ކުރިމަތިވި ސުނާމީ ކާރިސާގައި ވަރަށް ބޮޑަށް ގެއްލުންވެ ހަލާކުވެފައިވާ ފަޅެކެވެ. މި ފަޅު މަރާމާތު ކުރުމަށް ސަޢުދީ ސަރުކާރުގެ ހިލޭ އެހީގެ ދަށުން މަސައްކަތް ފަށައިފާވަނީ 2010 ޑިސެނަބަރ 26 ވަނަ ދުވަހުއެވެ. ފަޅު މަރާމާތު ކުރުމުގެ މަސައްކަތް ކުރަމުންދާ ގޮތާމެދު ހިތްހަމަ ނުޖެހިގެން، އެރަށުގެ ރައްޔިތުން ނިކުމެ، ވަނީ އެމަސައްކަތް ހުއްޓުވާފައެވެ. މިއީ މިނިސްޓްރީ އޮފް ހައުސިންގެ ފަރާތުން ފާޠިމަތު ސުލްޠާނާ، މިކަން ހިނގައި ދިޔަގޮތް ބެލުމަށްފަހު ލިޔާ ރިޕޯޓެކެވެ. މި ރިޕޯޓު ބިނާވެފައިވާނީ، ކަން ހިނގައި ދިޔަގޮތް، ކަން ހިނގަން މެދުވެރިވި ސަބަބު، މިކަމުގައި ޒިންމާ އުފުލަންޖެހޭ ފަރާތް އަދި ކުރިޔަށް އޮތްތާގައި ވިސްނަންވީ ކަންތައްތަކާ ގުޅޭ ގޮތުގެ މައްޗަށެވެ.