މިއީ ރޯދަމަހެވެ. އާސްތު އުޅުނީ ބަދިގޭގައި ރޯދަ ވީއްލަން ކާއެއްޗެހި
ރޯފިލުވާށެވެ. ކޮންމެ ދުވަހަކު ކައްކަން ޖެހެނީ އެކަނިމާ އެކައްޔެވެ. އެހެންކަމުން
އުޅެންޖެހޭލެއް ވަރަށް ބުރައެވެ. ކޮންމެ ދުވަހަކުވެސް ކައްކާ ނިމެނީ ބަންގި ގޮވަން
ވަރަށް ކައިރިވެފައި ވަނިކޮށެވެ. މިއަދު ރޯދަ ވީއްލަން ތައްޔާރު ކުރަން ހުރީ
ތަރުކާރީ ބަތާއި ބަރަބޯ ރިހައާއި ގުޅައާއި ކަވާބާއި އަނބު ފަންޏެވެ. ފުރަތަމަ
ތައްޔާރު ކުރީ ތަރުކަރީ ބަތެވެ. ބައްތެލި އުދުން މައްޗަށް އުދާފައި ތަރުކަރީތައް
ކޮށާ ނިންމާފައި މަޑުކުރަން އުދާފިއެވެ. ދެން ތަރުކާރީތައް މަޑުކޮށް ނިމުމުން
ކެކިފައި ހުރި ބައްތެލި އެއްކޮށްލައިފިއެވެ. ދެން ގުޅަޔަށް މަސްގަނޑު މޮޑެފައި
މުގުރާފައި ހުރި ހަނޑޫތައް މޮޑެފައި ގުޅަތައް ހަދާފިއެވެ. ދެން ކަވާބަށް މަސްގަނޑު
މޮޑުފައި ކަވާބުތައް ހަދާފައި ކަވާބާއި ގުޅަތައް ތެލުލައި ނިންމާލާފިއެވެ. ދެން
ބަރަބޯ ރިހަކެއްކުމަށްޓަކައި ބަރަބޯތައް ކޮށާލާފައި ބެހެއްޓީ ތައްޓަކަށް
އަޅަފައެވެ. އަނބުފަނި ގިރުމަށްޓަކައި އަނބުވެސް، ކޮށާފައި ބެހެއްޓީ ތައްޓަކަށް
އަޅާފައެވެ. ދެން ބަރަބޯ ރިހަ ކެއްކުމަށްޓަކައި ދެވިހުނި މިކްސަރުން މުގުރާފައި
ތެއްޔަށް އަޅާ ބަރަބޯ ރިހަ ކައްކާފިއެވެ. އޭގެ ފަހުން އަނބު ފަނިވެސް
ގިރާފިއެވެ. ރޯދައަށް ހުރެގެން އާސްތުއަށް
މިވަރަށް ކެއްކުމީ ދަތި އުދަނގޫ ކަމަކަށް ނުވިނަމަވެސް، އެހާ ފަސޭޙަ ކަމަކަށް ނުވެއެވެ. ރޯދަ ވީއްލަން ގަޑިޖެހެން
ވާއިރަށް މޭޒު މައްޗަށް ކާންހަދާފިއެވެ. ފަނިޖަގަށް ގަނޑު ފެން އަޅަށް
ބަލައިލިއިރު ފަނިޖަގުގައި އޮރެންޖު ކުލަ
ގަދަކަމުން އާސްތު ޙައިރާން ވެއްޖެއެވެ. އެކަމަކު އެކަމާ އަޅައި ނުލާ ފަނިޖަގަށް
ފެން އަޅާ ގިރާފިއެވެ. ބަންގި ގޮވުމުން ފިރިމީހާ ހަސަނު އައިސްފިއެވެ. އެންމެ
ފުރަތަމަވެސް ބޯލީ އަނބުފަނި ތައްޓެވެ. ކޯވަރެއްބޯލުމަށްފަހު ބުރުވާލިއެވެ.
ކޯއްޗެއް މިހުރީ ގިރާފަ؟ ފީ ލަކުނޑި ފަނިތަ؟؟ އާސްތު ކަން ބޮޑުވިއެވެ. ތިއީ އަނބު
ފަނި... ކަމުނުދަނީތަ؟! މިއީ އަނބު ފަންޏެއްނޫން މިއީ ބަރަބޯ!!!! އަނބު ފަންޏަށް
ބަރަބޯ ފަނި ގިރާ، ބަރަބޯ ރިހައަށް އަނބު ރިހަ ކެއްކުނީއެވެ.
No comments:
Post a Comment